YBS ပေါ်မှာ မိန်းကလေးတွေနား ကပ်ထိုင်ပြီး လိုက်ပွတ်တဲ့ အကောင်

တနေ့က (1.5.2023) ညနေ (၄) နာရီလောက်မှာ ကျွန်တော့်ကောင်မလေး တယောက်တည်း ကုန်ဈေးတန်းမှတ်တိုင်ကနေ YBS (4) စီးပြီးတော့အိမ်ပြန်ပါတယ်။ နောက်ဆုံးခုံမှာထိုင်ပြီး သူကညာဘက်ထောင့်စွန်းမှာထိုင်ပြီး ဘေးမှာက ကောင်မလေးတယောက်နဲ့ ကောင်မလေးရဲ့ဘေးမှာအန်တီကြီး ထိုင်ပါတယ်။ ဘားလမ်းမှတ်တိုင်လောက်မှာ ပုံမှာပြထားတဲ့အကောင်ကားပေါ်တက်လာပြီး အန်တီကြီးနဲ့ကောင်မလေးကြား လာထိုင်ပါတယ်။ အဲ့အကောင်ရောက်လာပြီး ခဏကြာတော့ အဲ့ကောင်မလေးက ထိုင်ခုံနေရာပြောင်းထိုင်ပါတယ်။ လွတ်သွားတဲ့နေရာကို အကောင်ကဝင်ထိုင်လိုက်ဝောာ့ ကျွန်တော့်ကောင်မလေးနားကို ရောက်သွားပါတယ်။

အဲ့အကောင်ကလက်ပိုက်ထားတဲ့အနေအထားနဲ့ထိုင်တော့ ကျွန်တော့်ကောင်မလေးတင်ပါးကို သူ့လက်နဲ့ထိ‌‌နေပါတယ် ။ ကျွန်တော့်ကောင်မလေးက သတိထားမိပေမယ့် သူ မတော်တဆထိမိလို့နေမှာပါဆိုပြီး ဘာမှမပြောပဲနေလိုက်ပါတယ်တဲ့။ ခဏကြာတော့ ကျွန်တော့်ကောင်မလေးရဲ့ ပေါင်ကိုသူ့လက်ချောင်းနဲ့လာပွတ်တော့ ကျွန်တော့်ကောင်မလေးက သူ့လက်ကိုပုတ်ချပြီး၊ ဘာလုပ်တာလဲမေးတာကို သူဘာမှမလုပ်တဲ့အတိုင်း အတင်းငြင်းပါတယ်။ အဲ့ဒါနဲ့ ဘေးကအန်တီက သူနဲ့နေရာလဲထိုင်ဖို့ပြောပါတယ်။ အဲ့ဒါကို ဟိုကောင်က မကျေနပ်တဲ့ပုံစံနဲ့ တီးတိုးပြောနေပါသေးတယ်တဲ့။

သူဆင်းခါနီးမှာ ကျွန်တော့်ကောင်မလေးက ဓါတ်ပုံရိုက်လိုက်တာကို အနားကို‌ပြေးလာပြီး ဖျက်ဖို့ဘာညာလာပြောပါတယ်။ ကောင်မလေးက မဖျက်ပေးနိုင်ကြောင်း အချေအတင်ပြောပါတယ်။ အဲ့လိုဖြစ်နေတုန်း ခုနကနေရာပြောင်းသွားတဲ့ကောင်မလေးကလည်း ထပြီး သူ့ကိုလဲခုနကအနားကပ်ပြီး အဲ့လိုလုပ်ကြောင်းပြောပါတယ်။ အဲ့ဒါကို ဟိုအကောင်က အဲလိုမဖြစ်ချင်ရင် Bus Car မစီးနဲ့၊ Taxi စီးဆိုပြီး သူ မမှားတဲ့ပုံစံနဲ့ပြောပါတယ်။ ကျွန်တော့်ကောင်မလေးကော ခုနကကောင်မလေးကော နှစ်ယောက်ပေါင်း ဆဲပေးလိုက်မှ ကားပေါ်ကဆင်းသွားပါတယ်။ အဲ့ကောင်ပုံစံကသူပြောပုံအရဆိုရင် ဆံပင်ကောက်ပြီးအရပ်ပုပါတယ် mask တပ်ထားပါတယ်၊ ဦးထုပ်လဲဆောင်း ထားပါတယ် ပုံကခိုးရိုက်လိုက်ရတာမလို့ဝါးသွားတာပါ။

ကောင်မလေးလည်း ဖြစ်တုန်းကသွေးပူနေတော့ မကြောက်ပေမယ့် အိမ်ပြန်ရောက်တော့ကြောက်တာ အခုထိပါပဲ။ ကားပေါ်မှာ လူ ၂၀ လောက်က ယောကျာ်းလေးတွေဖြစ်တာတောင် တယောက်မှဝင်မကူပဲ အန်တီကြီးနဲ့‌ ကောင်မလေး ပဲဝင်ကူပေးတာပါ။ မိန်းကလေးတွေအနေနဲ့လည်း အခုလိုကြုံလာရင် မရှက်မကြောက်ဘဲ အနီးမှာရှိတဲ့လူတွေအကူအညီတောင်းဖို့အကြံပေးလိုပါတယ်။ ရွယ်တူတွေဆိုရင်ရှက်တတ်ကြလို့ ဦးလေး အဒေါ်အရွယ်တွေကို အကူအညီတောင်းတာပိုကောင်းပါတယ်။

Wai Yan Phyo

Leave a Reply

Your email address will not be published. Required fields are marked *

x

You cannot copy content of this page