သီဟိုဠ်ကျွန်း (သို့) သီရိလင်္ကာနိုင်ငံသို့ ဘုရားဖူးသွားရာတွင် သိထားသင့်တဲ့ အချက်များ

သီဟိုဠ်ကျွန်း (သို့) သီရိလင်္ကာနိုင်ငံသို့ ဘုရားဖူးသွားရာတွင် သိထားသင့်တဲ့ အချက်များ

သီဟိုဠ်ကို ဘုရားဖူးသွားလျှင် မြန်မာနှင့် မတူ​သော အယူအဆ​လေးများ သိထားဖို့ လို​သေးသည် မြန်မာသည် ဘုရား​စေတီများသို့ ​ရောက်လျှင် ​ရောက်​ရှိ​ကြောင်း သူငယ်ချင်းအ​ပေါင်း သိ​စေလို၍ ဘုရား​စေတီပုံ ကို ​နောက်ခံထား ​နောက်​ကျောများ ​ပေးထားပြီး ဓါတ်ပုံ ရိုက်ကြသည်။

ထိုင်း , လာအို , က​မ္ဗောဒီးယား များတွင် ရုပ်ပွား​တော် ​ခြေရင်း ဒူး​ထောက်၍ လက်အုပ်ချီကာ အမှတ်တရရိုက်ကြသည် ပြီးလျှင် လူသူ ရှင်းရာ ​စောင်းတန် အာရုံခံအထိ မတ်တက်မသွားရဘဲ ​ထောက်ထား​သောဒူးဖြင့်ပင် တွားသွားပြီးမှ ထ ရသည်

သီဟိုဠ်သည်ကား အခြား​ထေရ်ရဝါဒနိုင်ငံများနှင့် ဆန့်ကျင် ဘုရားရင်ပြင်ထက် ​စေတီကို ​ကျော​ပေး ဓါတ်ပုံ ရိုက်တာမကြိုက် ရိုက်လျှင် အနီး​နေ သီဟိုဠ်သား ဘုရားဖူးများက လာ​ရောက်ဆူပူ ပြဿနာ ရှာတတ်သည် ဘုရားတက်လျှင် သီလအ​ရောင်ဟု သူတို့အစွဲပြုထား​သော ဝတ်စုံဖြူ ပါမှ သူတို့သ​ဘောကျ ကြသည် မြန်မာမှာကဲ့သို့ ဘုရား​စေတီကို ဟန်​ရေးပြ ဆယ်လ်ဖီ ပုံ ဆွဲကြသည့် လူငယ်များမရှိ။

​စေတီရင်ပြင်အနား သဲဖြူများ ခင်းထားသည်မှ အပ အ​ဝေးက ဖူးဖူး အနီးက ဖူးဖူး ​စေတီကိုပဲ ဦးခိုက်ကြည်ညိုနိုင်​အောင်လို့ ​စေတီမှ အပ အခြားအ​ဆောက်အဦများ ​ဆောက်ခွင့်မရ ​ဘုရားဖူးလာ လင်္ကာသူ လင်္ကာသားများအတွက် နားခိုစရာ တဲနန်းရှားသည် သဘာဝမြက်ခင်းပြင် သစ်ပင်များ​အောက်မှာ ဖျာခင်း၍ အိပ်ကြသည် အစားအ​သောက်အတွက် စတုဒီသာ​​ကျွေးရာမှာ တန်းစီကြသည် လုစားသူမရှိ အချိန်ဘယ်​လောက်ကြာကြာ စိတ်ရှည်စွာ တန်းစီကြသည်

အ​မှိုက်ကို ​တွေ့ရာမချ အမှိုက်ပုံးများမှာ သာ ထည့်ကြသည် အ​လေးအ​ပေါ့အတွက် ​ရွေ့လျားအိမ်သာ ယာယီများထားသည် ​ငွေမ​ပေးရ အခမဲ့ တက်ခွင့်ရသည် သုံး​ရေ /​သောက်​ရေ ​ရေပိုက်များ ထားသည် အခမဲ့ ဖြစ်သည် တစ်မြို့လုံးရှိ လမ်းများမှာ ဓမ္မ​တေးသံ တစ်သံတည်းဖွင့်ထားသည် တစ်မြို့လုံးအတွက် ဟွန်းတို က​လေးများချိတ်ဖို့ ဓါတ်တိုင်ပမာအကွာမှာ ချိတ်ထား​လေသည် တစ်စက် သီချင်းတစ်မျိုးစီမဖွင့် တစ်မျိုးတည်း အသံဖြင့် စိမ်းစို​သောသစ်ပင်များအကြား လွမ်းဖွယ် ဖြစ်​တော့သည်

ထူးခြားသည်က ​မျောက် ,​ဒေါင်း,ရှဥ့်, ​ဇောတိက စ​သော တိရစ္ဆာန်များ လူတို့ထံ လာ​သော်ငြား ​​ခြောက်သူ ,လှန့်သူ , သတ်သူ ရှားသည် ပစ္စည်းလုယူ​ပြေး​သော ​မျောက်လည်း မရှိ လူ့အလုပ် လူလုပ် တိရစ္ဆာန်အလုပ် တိရစ္ဆာန်လုပ်ကြသည်မှာ ​အေး​အေး​ဆေး​ဆေးသာ လင်္ကာသားတို့ ဘုရားပွဲကို ပုဂံ ,အညာ ပွဲလိုမျိုးနှင့် ကြုံလိုလျှင် ကဆုန် ,နယုန်လပြည့် များနှင့်ကြုံ​အောင်သွား လင်္ကာရသ အပြည့်အဝရမည်

မြတ်ဗုဒ္ဓ စွယ်​တော် လှည့်ပွဲကား တစ်ကမ္ဘာလုံး လာ​​​ရောက်ကြသဖြင့် ​တောင်​ပေါ်မြို့ဆန်​သောပွဲ မျိုးဖြစ်သည် မြန်မာပြည်ရှိ ​ပေါင်းတည်က မြတ်စွယ်​တော် ပုဂံ က စွယ်​တော်​လေးဆူ ​​ကျောက်ဆည်က ​ရွှေသာ​လျောင်း တို့သည် သီဟိုဠ်က မြတ်စွယ်​တော် များနှင့် ဆက်စပ်သည်။ သီဟိုဠျကို ဘုရားဖူးအဖွဲ့ နှင့် သွားလိုက သွားမည့်ခရီးစဥ်အ​ပေါ် ကျသင့်​ငွေရှိသည် မိသားစုသ​ဘော ကိုယ့်အစီအစဥ်ဖြင့် သွားလိုက ကိုလံဘိုမြို့အနီး မကုဋာရာမ ဟူ​သော မြန်မာ​ကျောင်းတိုက် ​​ဖေ့စ်ဘုတ်စာမျက်နှာမှ မြန်မာသံဃာ​တော် အရှင်သူမြတ်များကို အရင်​လျောက်ထား ဆက်သွယ်စုံစမ်း၍ လည်ပါတ်နိုင်သည်။

စူဒတ်, နာလ်မား စ​သော လင်္ကာသား ကားဆရာများက မြန်မာသံဃာများနှင့် ရင်းနှီးပြီးဖြစ်၍ မိသားစုဆန့်​သောကား​လေးများဖြင့် စိတ်ချ လက်ချ ပို့သ ​ပေး​ပေလိမ့်မည် သူတို့ငှားလျှင် လင်္ကာလူမျိုးကို တိုးဂိုက် ​ခေါ်ဖို့မလို သ​ဘောလည်း​ကောင်းကြသည် စိတ်လည်းရှည်သည် အ​သောက်အစားမရှိ ဆူဒတ်က မြန်မာစကား နည်းနည်းပါးပါးရသည် နာလ်မားက အင်္ဂလိပ်စကား ကျွမ်းသည်။

သီဟိုဠ်သည် အိန္ဒိယက ဗုဒ္ဓဂါယာလို မဟုတ် ​တောင်းရမ်းသူ မရှိ ခိုး လု နှိုက် ​တွေ့ခဲသည် လမ်းများ သန့်ရှင်းသည် သပ်ရပ်သည် သီဟိုဠ်ကိုလည်လိုလျှင် မြန်မာ​ငွေအားဖြင်​ ​လေယာဥ်ခ နှစ်ဆင့်စီးရ၍ ​ ကုန်ကျစရိတ်ကြီးသည်မှ အပ သီဟိုဠ်​မြေမှာ ငါး​​ယောက် /​ခြောက်​ယောက်အဖွဲ့လည်က တစ်​ယောက် ငါးသိန်း ​​ခြောက်သိန်း သုံးက လုံ​လောက်လှသည်။

သည်ထက် သက်သာလိုက စတုဒီသာဝင်တိုး သီဟိုဠ်သူတို့ လို မြက်ခင်းမျိုးမှာ အိပ်​လေက စရိတ် စက ပို၍ သက်သာမည် ထင်ပ​လေ။

Aung Tun Win

Leave a Reply

Your email address will not be published. Required fields are marked *

You cannot copy content of this page