ဒီလို ဖြေဆေးမျိုးသာ ရှိရင် ကိုဗစ်ကြီး ဒီနေရာမှာတင် ပြီးပါပြီ

ကိုဗစ် ဖြေဆေး

ပျောက်ဆေးက မရှိသေး။ ကာကွယ်ဆေးက မကြာမီ။ ဆိုတော့ ဖြေဆေး လေးနဲ့ စောင့်ကြတာပေါ့ ။ အခုတော့ဖြေဆေးကိုတွေ့ခဲ့ပြီ။

(၁) နိုင်ငံတော် ဖြေဆေး – ရှိရှိသမျှသော အရင်းအမြစ်တို့ကို အစွမ်းကုန်သုံးပြီး ပိတ်ချီတစ်ခါ ၊ ဖွင့်ချည်တစ်လှည့် ။ ကျွေးမွေးမပျက် ဆောင်ရွက်စီမံ ပြီး ကြူနည်းပေါင်းစုံ ၊ စင်တာအမျိုးမျိုး နဲ့ ပြည်သူတိုင်းကို ရင်ဝယ်သားပမာ သဘောထား စောင့်ရှောက်ခဲ့ပါတယ်။ အခုချိန်က နိုင်ငံ့အရင်းအမြစ်တို့ကို အနာဂါတ်အလို့ငှာ ရှေ့ရေး မျှော်တွေးရမှာမို့ ။

ကိုယ့်အိမ်နီးချင်းတွေ နဲ့ ယှဉ်လိုက်ရင် ” စောင့်ရှောက်မှု ” အရာမှာ နောက်မကျန်ခဲ့ပေဘူးလို့ “ဖြေ” မယ်ဆိုရင် ” ဖြေသာ” တဲ့ အခြေအနေပါ။ တရားနဲ့သာ ဖြေပါရော့နိုင်ငံတော်။

(၂) ကျန်းမာရေးဝန်ထမ်းများ ဖြေဆေး – ကိုဗစ်ကြီးစ,ပါပြီ ဆိုကတည်းက ဝန်ကြီး မှသည် အောက်ခြေက ပြည်သူ့ကျန်းမာရေးလုပ်သားအထိ နှစ်ပေါက်အောင် စိတ်လည်းထောင်း ၊ ကိုယ်လည်းကြေ လုပ်ခဲ့ကြပါပြီ။ လွဲတာတွေ ၊ချော်တာတွေ ရှိခဲ့သလို စွမ်းနိုင်၊ဆောင်နိုင်ခဲ့တာတွေလည်း ရှိခဲ့ကြပါပြီ။

ပြည်သူတွေအပေါ်မှာ “ကပ်ဘေး” ကာလတစ်လျှောက် တာဝန်အကြေဆုံး ပေးဆပ်ထမ်းဆောင်ခဲ့ကြပါပြီ။ ဒီတော့ ” ဖြေ” မယ်ဆိုရင် ” ဖြေသာ” တဲ့ အခြေအနေပါ။ တရားနဲ့သာ ဖြေပါရော့ ဆရာ၊ဆရာမတို့။

(၃) ပြည်သူ့အတွက်ဖြေဆေး – အိမ်ထဲမှာအောင့်နိုင်သလောက် အောင့်အည်းပေးခဲ့ကြပါပြီ။ လှူနိုင်သလောက်လည်း ကူညီလှူဒါန်း ပါဝင်ခဲ့ကြပြီးပါပြီ။ ကူးစက်ခံ ၊ အသက်ဆုံးခံပြီး ကျန်တဲ့ ပြည်သူတွေ အတွက် ကိန်းဂဏန်းတစ်ခုအဖြစ် ဖြစ်နှုန်း၊သေနှုန်းတွေမှာပါဝင် သက်သေပြခဲ့ပြီးပါပြီ။

စည်းကမ်းမလိုက်နာနိုင်ကြသူတွေအတွက် အသက်နဲ့ ရင်းပြီး ပညာပေးခဲ့ကြတဲ့ ပြည်သူတွေအဖို့ သူတို့တာဝန်ကြေခဲ့ကြပါပြီ။ Mask တပ်၊လက်ဆေး၊ ခပ်ခွာခွာနေ။ တရားနဲ့လည်း ဖြေနိုင်ကြပါပြီ။

(၄) ပြီးပါပြီ ။ ကို ဗစ်ကြီး ဤ မှာတွင် ပြီးပါပြီ။

Nay Win

Leave a Reply

Your email address will not be published. Required fields are marked *

You cannot copy content of this page