ဝေဘာဂီဆေးရုံသွားမယ့် ဦးကျော်သူကို ရုပ်ရှင်မင်းသား ထွန်းကိုကို အနီးကပ်ပြုစုဖို့ လိုက်သွားမည်

ဝေဘာဂီဆေးရုံသွားမယ့် ဦးကျော်သူကို ရုပ်ရှင်မင်းသား ထွန်းကိုကို အနီးကပ်ပြုစုဖို့ လိုက်သွားမည်

ဦးကျော်သူ့ဇနီး မရွှေဇီးကွက်ရေးတဲ့ စာလေးကို ဖော်ပြ ပေးလိုက်ပါတယ်-

အော်… ရဲဘော်ရဲဘက်စိတ်ဓါတ်ဆိုတာ တကယ်မြင့်မြတ်တဲ့ စိတ်ဓါတ်ပါလား။

အသင်းက ကလေးတစ်ယောက် positive ဖြစ်လို့ ကိုကျော်သူက သူနဲ့ contact ရှိထားတဲ့အတွက် ၆ရက်မြောက်နေ့မှာ swab test စစ်လိုက်တာ positive ဖြစ်နေပါတယ်။ အခုအချိန်အထိ ဘာရောဂါလက္ခဏာမှ မပြပေမဲ့ အရင်က နှလုံးသွေးကြောလဲထားတာရယ်၊ ဆေးလိပ်သောက်တတ်တာရယ်၊ ဆီးချိုနည်းနည်း တက်ချင်တာရယ်တွေကြောင့် ဖြစ်နိုင်ရင် အိမ်မှာဘဲ နေချင်ပေမဲ့လည်း ဆရာကြီးဒေါက်တာဦးညွှန့်သိန်းဆီက အကြံဉာဏ်ယူပြီး အဖက်ဖက်က အဆင်ပြေတဲ့ ဝေဘာဂီဆေးရုံကို သွားဖို့ဆုံးဖြတ်လိုက်ပါတယ်။

အဲဒီမှာ တစ်သက်လုံး အဖော်နဲ့အပေါင်းနဲ့မှ နေတတ်တဲ့ ကိုကျော်သူ့ကို အဖော်ပြုလိုက်ဖို့ လူတစ်ယောက် လိုအပ်လာတာမှာ ထွန်းကိုကိုက သူလိုက်မယ်ဆိုပြီး အဆိုပြုပြီးလိုက်သွားလေရဲ့။

ပထမတော့ သူတို့အုပ်စုရယ် အိမ်ကကလေးရယ်တို့ကို swab test ယူပြီး positive ဖြစ်တဲ့သူလိုက်မယ်လို့ စီစဉ်နေကြတာမှာ ကိုကျော်သူက ဒီညနေဘဲ သွားတော့မယ်ဆိုတော့ ထွန်းကိုကိုက ဘာမှ မစစ်ရသေးခင်မှာဘဲ လိုက်သွားပါလေရော။ ကျေးဇူးတင်လိုက်တာ သားရယ်။

တကဲ့ ရဲဘော်ရဲဘက်စိတ်ဓါတ်ကို မျက်ဝါးထင်ထင်တွေ့မြင်လိုက်ရလို့ သာဓု အကြိမ်ကြိမ်ခေါ်မိပါတယ်။ နှစ်ယောက်စလုံးဘေးကင်းပြီး အများအကျိုးကို ဆက်လက်သယ်ပိုးနိုင်ကြပါစေ။

ဒီကနေ့ တစ်နေကုန် သတင်းမေးဆုတောင်းအားပေး အားဆေးတွေပေး အစားအစာတွေပို့ပေးကြတဲ့ မိတ်ဆွေတွေအားလုံးကို ကျေးဇူးအများကြီးတင်ပါတယ်။ ကိုကျော်သူလည်း အားလုံးရဲ့မေတ္တာနဲ့ အမြန်ဆုံး ပြန်လည်ကျန်းမာလာပါစေ။ သားထွန်းကိုကိုလေးလည်း ဘေးကင်းပါစေ။ နာရေးကူညီမှုအသင်းသားအားလုံးလည်း ကပ်ဘေးကကင်းဝေးပါစေ။ တစ်ကမ္ဘာလုံး အမြန်ငြိမ်းချမ်းပါစေ။

ရွှေဇီးကွက်

Leave a Reply

Your email address will not be published. Required fields are marked *

You cannot copy content of this page