မုန်တိုင်းကျစဥ် ပြည်သူ့အသက်အိုးအိမ်စည်းစိမ်ကို မကာကွယ်နိုင်သည့် ဒေသခံအရာရှိကို ကင်ဂျုံအန် အပြစ်ပေး

မုန်တိုင်းကျစဥ် ပြည်သူ့အသက်အိုးအိမ်စည်းစိမ်ကို မကာကွယ်နိုင်သည့် ဒေသခံအရာရှိကို ကင်ဂျုံအန် အပြစ်ပေး

မြောက်ကိုရီးယားခေါင်းဆောင် ကင်ဂျုံအန်းဟာ တိုင်ဖွန်းမုန်တိုင်းသင့်ဒေသကို စက်တင်ဘာ ၅ ရက်က သွားရောက်လည်ပတ်ပြီး ဒေသန္တရခရိုင်ပါတီကော်မတီဥက္ကဋ္ဌကို ရာထူက ဖယ်ရှားခဲ့ပါတယ်။

ဒါ့အပြင် ပြန်လည်ထူထောင်ရေးအားထုတ်မှုတွေကို ဦးဆောင်ဖို့ ပြုံယမ်းမြို့ အရာရှိတွေကို အမိန့်ပေးခဲ့တယ်လို့ အစိုးရရုပ်သံက စက်တင်ဘာ ၆ ရက်မှာ ဖော်ပြပါတယ်။

‌ဟမ်ဂျောင်းခရိုင် တောင်ပိုင်းနဲ့ မြောက်ပိုင်းကမ်းရိုးတန်းဒေသတွေတလျှောက် အိမ်ခြေ ၁၀၀၀ ကျော်ပျက်စီးခဲ့ပြီး ကင်ဟာ အဆောက်အအုံအပြိုအပျက်တွေကို လှည့်ပတ်ကြည့်ရှုခဲ့ တယ်လို့ ရုပ်သံသတင်းက ပြောပါတယ်။

ကင်ဟာ အမှုဆောင် မူဝါဒကော်မတီ အစည်းအဝေးကို ဦးဆောင်ခဲ့ပြီး မုန်တိုင်းသင့်ဒေသ ပြန်လည်ထူထောင်ရေးအားထုတ်မှုတွေမှာ အသေးစိတ်လုပ်ဆောင်ချက်တွေကို အာရုံစိုက်ခဲ့သလို ဒေသတွင်းကို စေလွှတ်ဖို့ တည်ဆောက်ရေးအဖွဲ့တွေ ဖွဲ့စည်းပေးခဲ့တယ်လို့ အစိုးရမီဒီယာက ပြောပါတယ်။

တကမ္ဘာလုံး ပြည်သူ့ကျန်းမာရေး အကြပ်အတည်း ဆိုက်နေသလို သဘာဝကပ်ဘေးတွေ လည်း သင့်နေလို့ ပုံမှန်မဟုတ်တဲ့ အခက်အခဲတွေကို ဒီနှစ်ထဲမှာ မျက်မြင်တွေ့နေရတယ်လို့ ကင်က မြို့တော်နေပါတီဝင်တွေဆီ အိတ်ဖွင့်ပေးစာ ပေးပို့ခဲ့ပါတယ်။

ပြုံယမ်းမြို့တော်ကနေ တိုင်ဖွန်းမုန်တိုင်းသင့်ဒေသတွေ ပြန်လည်ထူထောင်ရေး ကူညီဖို့ ပါတီဝင် ၁၂၀၀၀ ကို စေလွှတ်ဖို့ ပါတီဗဟိုကော်မတီက ဆုံးဖြတ်ခဲ့တယ်လို့လည်း အစိုးရမီဒီယာက ကြေညာခဲ့ပါတယ်။

Leave a Reply

Your email address will not be published. Required fields are marked *

You cannot copy content of this page