ဗစ်တိုးရီးယားအမှုမှာ စွပ်စွဲခံရတဲ့ ကိုအောင်ကြီးက ရဲတပ်ဖွဲ့ကို နစ်နာကြေး သိန်းငါးထောင် ရလိုမှုနဲ့တရားစွဲပြီ

ဗစ်တိုးရီးယားအမှုမှာ စွပ်စွဲခံရတဲ့ ကိုအောင်ကြီးက ရဲတပ်ဖွဲ့ကို နစ်နာကြေး သိန်းငါးထောင် ရလိုမှုနဲ့တရားစွဲပြီ

ကိုအောင်ကျော်မျိုး(ခ) ကိုအောင်ကြီးက မြန်မာနိုင်ငံရဲတပ်ဖွဲ့ကို တရားမနစ်နာမှု စွဲလိုက်ပါပြီ။ “မမှန်မကန်တရားစွဲဆိုချုပ်နှောင်ခံရသည့် အတွက် လျော်ကြေးနှင့်နစ်နာကြေး ငွေ၅၀၀,၀၀၀,၀၀၀ိ/-(ကျပ်သိန်းငါးထောင်တိတိ) ရလိုမှု” ဆိုပြီးစွဲပါတယ်။

အမှုကို နေပြည်တော် ဒက္ခိဏခရိုင်တရားရုံးမှာ အဆိုလွှာတင်သွင်းစွဲဆိုပါ တယ်။ တရားရုံးက အမှုကိုလက်ခံပြီး တရားမကြီးမှုအမှတ် ၃၁၂/၂၀၂၀ အဖြစ်သတ်မှတ်ကြားနာပါမယ်။ အမှုကို ခရိုင်တရားသူကြီးရဲ့ တရားခွင်က ဆောင်ရွက်မှာဖြစ်ပြီး (၁၈-၁၂-၂၀၂၀) မှာ “အဆိုလွှာကိုစိစစ်ရန်” လို့ ချိန်းဆိုထားပါတယ်။

လက်ငင်းတော့ မြန်မာနိုင်ငံရဲတပ်ဖွဲ့ရဲ့ တာဝန်ခံတာဝန်ယူသူအဖြစ် ရဲချုပ် အောင်ဝင်းဦး(မြန်မာနိုင်ငံရဲတပ်ဖွဲ့) ကို တရားပြိုင်အဖြစ်ထားပါတယ်။

တရားလိုရှေ့နေများအဖြစ် နေပြည်တော်က တရားလွှတ်တော်ရှေ့နေများဖြစ်တဲ့ ဦးခင်မောင်ဇော်၊ ဦးနေတူး၊ ဦးသဲမောင်မောင် တို့က လိုက်ပါ ဆောင်ရွက်ကြပါမယ်။ မဟာဗျူဟာမြောက်တရားစွဲဆိုခြင်း အဖြစ် အခမဲ့ လိုက်ပါ ဆောင်ရွက်ပေးကြမှာပါ။

Zaw Win Ko

Leave a Reply

Your email address will not be published. Required fields are marked *

You cannot copy content of this page