ဗေဒင်မေးဖို့ မလို၊ ယတြာချေဖို့ မလိုဘဲ တက်စီယာဥ်မောင်းတွေ အမှန်တကယ် ဝင်ငွေကောင်းစေတဲ့နည်း

မြန်မာနိုင်ငံမှာ အလုပ်အကိုင်ရှားပါးပြီး ကုန်းဈေးနှုန်းတွေ တိုးမြင့်လာတဲ့ဒဏ်ကို အားလုံး ခံစားကြရပါတယ်နော်။ ဒါကြောင့် အလုပ်အကိုင်တစ်ခုအပေါ် တန်ဖိုးထား လုပ်ဆောင်တတ်ဖို့လိုပါတယ်။ အလုပ်ရပ်သွားပေမယ့် ပါးစပ်နဲ့ အစာအိမ်က မရပ်သ၍တော့ရှာဖွေနေကြရဦးမှာ မဟုတ်ပါဘူး။ မိသားစု ဘဝတွေကို ပိုင်ဆိုင်ထားသူတွေဆိုရင်တော့ပိုပြီးတော့ အလုပ်လုပ်ကြတာပေါ့။ တချို့ကတော့ အလုပ်တော့ လုပ်နေပါတယ်။ ဒီအလုပ်က ကိုယ့်ရဲ့ မိသားစုအတွက် ဖူလုံရဲ့လား။ လောက်ငှရဲ့လား ။ မလောက်ငှရင် ဘယ်လို ဆက်လုပ်မလဲဆိုတာကို မတွေးတော့ပဲ ငါလည်း လုပ်နေတာပဲလို့ ငြင်းဆိုတတ်ကြသူတွေလည်း ရှိပါတယ်။ ဒီလိုနဲ့ အလုပ်အကိုင်ရှားပါးမှုနဲ့ ကုန်ဈေးနှုန်းကြီးမြင့်မှုဟာ မပြေလည်တဲ့ အိမ်ထောင်ေ ရးတွေကို မွေးဖွားပေးလိုက်တာပါပဲ။

အခု အကြောင်းလေးကတော့ တက္ကစီဆရာတစ်ယောက်ရဲ့ ကြံရည်ဖန်ရည်ကို ဂုဏ်ပြုပေးချင်တာကြောင့် တင်ပေးမှာပါ။ ဒီအကြောင်းကို ကိုယ်တိုင်တွေ့ကြုံလာတဲ့သူကတော့ Sai Thein Htike San ဆိုတဲ့ လူမှုကွန်ရက်အကောင့်ပိုင်ရှင်ဖြစ်ပြီးတော့ သူကြုံလာခဲ့တာကိုလည်း အခုလိုပဲ မျှဝေထားတာကိုတွေ့ရပါတယ်။ဒီ ကနေ့ညနေ ကိစ္စတစ်ခုနဲ့ အပြင်သွားတော့ ဂရက်ဘ်တက်စီ ခေါ်ဖြစ်တယ်ပေါ့..ကားပေါ်တက်ထိုင်ပြီးသကာလ ကားထဲ ကပ်ထားတဲ့ စာတွေတွေ့လို့ သတိထားဖတ်မိတယ်.. ဆန်းတာက မြင်ဖူးနေကျစာတွေလို “တံခါးဖြေးဖြေးပိတ်” “ဆေးလိပ်မသောက်ရ” တို့ မဟုတ်ဘူး.. သူကပ်ထားတာက ” စေတနာကောင်းလျှင် ကံကောင်းမည်.. စေတနာရှိက ချမ်းသာရ.. စေတနာတွေရောင်ပြန်ဖို့ သိန်း ၁၅၀၀၀ ထီ ကံစမ်းစို့ ” တဲ့. . စာဖတ်ပြီး မျက်စိကစားကြည့်မိတော့ ကားခေါင်းခန်း Seat နှစ်ခုကြားမှာ ထီလက်မှတ်တွေ ထည့်ထားတဲ့ ခြင်းတောင်းပြာလေး တွေ့တယ်.. အော် သူ Taxi မောင်းရင်း ခရီးသည်ပါ ထီရောင်းပေးနေတာပဲ.. သူ ဒီအခွင့်အရေးကို မြင်ပြီး နောက်ထပ်ဝင်ငွေလမ်းကြောင်းတစ်ခုကို အလွယ်တကူဖန်တီးနိုင်တာ သဘောကျလိုက်တာ… ကားမောင်းနေပေမယ့် ခေါင်းအတော်ကောင်းချက်..

နောက်ထပ်ကပ်ထားတဲ့ စာလေးရှိသေးတယ်.. ” လှံထမ်းတာကို မြင်နိုင်သလို ကံကောင်းတာကို မြင်နိုင်ဖို့ သိန်း ၁၅၀၀၀ ထီ ကံစမ်းစို့ ” တဲ့.. အယ်လယ့် ဆိုရိုးစကားတောင် Innovation လုပ်ပြီး ပေးချင်တဲ့ Message ကို ပစ်ထည့်သွားတာ.. ထီထိုးဖို့ တကူးတကအပြင်ထွက်နေစရာမလိုဘဲ ကားပေါ်မှာတင် ထီထိုးနိုင်အောင် ကြော်ငြာထားတာ.. တကယ်ကို မချီးကျူးဘဲ မနေနိုင်တာနဲ့ ကိုယ်က မေးရတယ်..

” အစ်ကိုက ထီပါ ရောင်းပေးတာလား.. ” ” ဟုတ်တယ်.. သုံးလလောက်ရှိပြီ.. ကျနော့် သမီးလေးမွေးပြီး နောက်ထပ်အလုပ်တစ်ခုထပ်လုပ်ချင်တာနဲ့ ဒီအလုပ်လေးပါ တွဲလုပ်ဖြစ်တာ.. ခရီးသည်ကို တကူးတကတော့ မပြောဖြစ်ပါဘူး.. အစ်ကို့လို မေးမှပဲ ပြောဖြစ်တာပါ.. စိတ်ဝင်စားတဲ့သူက တွေ့ပြီး ထိုးသွားကြတာပါပဲ.. တစ်လကို ငါးသောင်း တစ်သိန်းတော့ အနည်းဆုံးကျန်ပါတယ်… ကျန်တဲ့ ထီတွေထဲက ငါးသောင်းဆုလေးတွေပါ ပေါက်သေးတော့ မဆိုးပါဘူး..

အဓိကက ကိုယ်စားလှယ်ဆုငွေလိုချင်တာပေါ့.. ကျနော်ဆီမှာ ထိုးတဲ့သူတွေ သိန်း ၁၅၀၀၀ လို ဆုကြီးတွေပေါက်ရင် ကိုယ်စားလှယ်ဆုကြေးက တော်တော်ရမှာကိုး.. သမီးလေးအတွက်ပါပဲ.. ဒီအလုပ်က သူ့အတွက် ရည်ရွယ်ပြီး လုပ်ဖြစ်တာမို့ပါ.. သူ့ကံပါပဲ..” ဦးနှောက်ကောင်းသလို နှလုံးသားလှတဲ့ ဖခင်တစ်ဦးမှန်းလည်း သူ့ရင်ဘတ်ထဲ လှမ်းမြင်ရတယ်.. ” အင်း ဟုတ်ပါတယ်.. ဘာပဲဖြစ်ဖြစ် Taxi ကားပေါ် ထီရောင်းပေးတာ အကြံလေး တော်တော်ကောင်းတာပဲ..

နောက်ထပ်အလုပ်တစ်ခုဆိုပေမယ့် အချိန်လည်း နောက်ထပ်မပေးရဘူး.. တပြိုင်နက်တည်းလုပ်လို့ရတယ်.. တကယ်ချီးကျူးပါတယ်.. ထီထိုးမယ်လေ.. ကြုံနေတာပဲ.. ” ” ဟုတ် ဒီစာအုပ်ထဲမှာ နံပါတ်တွေရေးထားပြီးသား အစ်ကို.. ကြိုက်တဲ့ နံပါတ်ဘေးမှာ အစ်ကို့ နာမည်နဲ့ ဖုန်းနံပါတ်လေးရေးပေးရုံပါ ” သူက ထီနံပါတ်တွေကို ၁ ထိပ်စီးကနေ ၉ ထိပ်စီးထိ ရေးထား တဲ့ ဗလာစာအုပ်လေး လှမ်းပေးတယ်.. ထီလက်မှတ်တွေ မွှေပြီး မရှာရအောင် ကြိုလုပ်ထားတာလေးကအစ စနစ်ကျလိုက်တာ.. ဒီလူ Taxi driver ဆိုပေမယ့် ခေါင်းတစ်လုံးပိုသာ ပိုတော်နေတာ.. ခရီးသည်ကို လိုရာပို့ပေးတဲ့ Service အပြင် နောက်ထပ် product တစ်ခုကိုပါ ရောင်းဖို့ စဉ်းစားနိုင်တာ.. အခွင့်အရေးကို မြင်တဲ့အတိုင်း စနစ်တကျ အကောင်အထည်ဖော် Implement လုပ်ထားနိုင်တာ

သူ့ ရဲ့ Amazing Innovation Skill ပဲ.. ထီထိုးပြီး ကားပေါ်ကဆင်းတော့ သိန်းတစ်သောင်းခွဲပေါက်ပါစေ ဆိုပြီးနှုတ်ဆက်သေးတာ.. မဂ်လာရှိလိုက်တာ.. သူလဲ အောင်မြင်ပါစေလေ.. မဟုတ်ဘူး.. သူ တကယ်အောင်မြင်မှာပါ.. အခုလို အလုပ်တစ်ခုတည်းလုပ်ရင်း ဝင်ငွေနှစ်ခုဖြစ်အောင် ဖန်တီးနေတဲ့ တက္ကစီဆရာရဲ့ စိတ်ကူးကတော့ မိသားစုအတွက် လေးစားစရာပါပဲနော်။ အခြား တက္ကစီဆရာတွေလည်း သူ့လို အတွေးမျိုးနဲ့ မိသားစု ဝင်ငွေကို နှစ်ဆတိုးအောင် ရှာနိုင်ကြပါစေလို့ ဆုတောင်းပေးလိုက်ပါတယ်နော်။

Sai Thein Htike San

Leave a Reply

Your email address will not be published. Required fields are marked *

You cannot copy content of this page